 |
| ماهينور اهيه .. يا خلاسي :D |
ماهينور .. انا وربنا ما اعرف يعني ايه اصلا اسم ماهينور ؟ بس هو اعظم اسم حصل في تاريخ البني ادمين ! عشان فيه واحدة اسمها ماهينور المصري ! مين ماهينور المصري دي؟ دي اعظم بنت حصلت في تاريخ البني ادمين بردك ! لو فتحت كتاب عبمجيد الصحاح و دورت على ماهينور المصري هتلاقي التعريف بتاعها : هي المرأة التي كلما رأيت مواقفها و شجاعتها و روحها و إرادتها حسيت إنك كرجل عمال تاخد على قفاك و انك مهما هتحاول تبقى زيها هتبقى نص لبة برضه ! هي اكتر واحدة ممكن تحببك في الثورة و في النضال .. مش محتاج اكتر من مرتين تشوف فيهم ماهينور و هي بتهتف و بتوزع بيانات و بتتكلم مع الخلق و آدي دقني لو فوت مظاهرة بتحصل في العالم عامة بعد كدة ! فيه ناس ممكن تقول ايه المبالغة دي هو فيه بنت يتقال عليها كدة بجد ؟ اه وربنا فيه ! ماهينور اهيه ! لأ و هي كدة عادي يعني مش بتبذل مجهود عشان تبقى كدة ! انت تعرف ماهينور ؟ ما وربنا لو تعرفها هتقول كدة زي ما انا بقول .. ماهينور بالنسبالي ماما و بابا و انور وجدي و بتعملنا اكل و سندويتشات في الاعتصامات و بالعربي متبنيانا كلنا و هي طاقة من الثورة و الامل متحركة على الارض في عز ما كلنا بنبقى محبطين هي بتكون متفائلة و بتجننا كلنا و في الاخر هي اللي بتبقى صح .. وربنا يا ناس لو فيه في اسكندرية بس 100 ماهينور كان زمان العسكر طاروا في دقيقتين خمسة و تلاتين ثانية ! ونبي يا بنات خليكم زي ماهينور عشان مصر تبقى حلوة وبلاش تاخدوا الموضوع بنفسنة يعني عشان هي بنت و كدة و الحقد يشتغل و كدهون لأ بصلها على انها حاجة حلوة في الحياة وخلاص ! فيها ايه لما مصر كلها تبقى زي ماهينور ! عيد ميلاد ماهينور بكرة و انا مجبتلهاش هدية عشان هي اصلا اللي متبنياني يعني المفروض عيد ميلادي بقى عيد ميلادها هي برضه اللي تجيبلي هدية ! بس انا قررت اكتب التدوينة البسيطة دي عن ماهينور بس هي اصلا تستاهل يتكتب عنها كتاب اساسا طب وربنا ما ببالغ بقى هه .. و في نهاية التدوينة احب ادعوكم لمعرفة ماهينور و احب اقول لماهينور انا بحبك جدا وربنااااااااااا بقى و انتي اعظم ماهينور حصلت في تاريخ البني ادمين و المصحف يا شيخة بقى يا شيخة ! و إن شاء الله لو فيه واحدة رضيت تتجوزني و جبت بنت هسميها ماهينور على اسمك و ربنا يخليكي لينا يا ماما ماهي و يفرحك و يسعدك كدهون زي ما انتي مفرحانا كدهون و نصحى الصبح نلاقي مصر كلها ماهينور ماهينور ماهينور في كل مكان زي الفيديو كليب بتاع حكيم دوّن بتاع اس اس السلام عليكم ! و طبعا كل الكلام اللي انا قلته ده ولا ربع من خمسة من عشرة على مية في المية من ماهينور ! انا عارف ان كلامي عبيط ! بس انا هجيب كلام عاقل منين ؟ المهم بقى عشان مبقاش لكاك كل سنة و انتي عظيمة يا اعظم ماهينور في الدنيا وربنا يخليكي على طول ماهينور كدة و مش عارف اقول ايه تاني و بس خلاص كدة و مع السلامو عليكم والله الموفق و المستعان :D
طيب ما نلخص وتقول لنا اننا نقولها كل سنة وانتى طيبة وخلاص :)كل سنة وانتى طيبة يا "ماهى"
ردحذفb3'ad el nazar 3n nafsnt el girls eli u mentioned, i never talked wz mahy except once w kant less than 8 mins but i know about her long time ago w i can ensure every word u said about her,,, coz simply she deservessssssssssssssssssssss
ردحذفMahy U Rockkkkkkkkkkkkkkkkk :DDD
و الله أنتوا مخدوعين و حتغضلوا تنقخوا فيا لحد لما أفرقع .ز أنتم اللي اعظم ناس
ردحذفماهي.. أنتي الكميلُ كامنتسي :)
ردحذفبصوا هي ما بتحبيش الكلام ده بس حقوله....ماهينور هي تكملة تاريخ سلسلة النضال لشعب إسكندريه كل سنه و انت طيبه يا صديقتي....الشاذلي
ردحذفحبيت اكتب ربنا يخليلكم ماهينور بالرغم انى ماعرفهاش لكن من الواضح انها انسانه جميله :DD.. وآميين ياسيدى
ردحذف